“

Ngula karlipa yani yupuju-wana ngulaju kalu-ngalpa purda-nyanyi.

Yamurna Napurrula OldfieldLinC Founder & Yuendumu school Assistant Principal

“

Ngalipa yungurlipa pina-jarrimi manu ngula-jangkarlu pina-pina-mani ngalipa-nyangu kurdu-kurdu ngalipa nyangu jaru manu puranjaku jaja, ngati-kirlangu manu warringiyi, jaji-nyanu-kurlangu. Kujaju ngurrju pina-jarrinjaku jirrama jaruju. Nganimpaju wardinyi-nyayirni pina-maninjaku kurdu-kurduku kaji kalu waja-waja-mani jaru kujalu palka-jarrija yimi palka-kurlu wita-wita-wiyi. Jaru karlipa mardarni jukurrpa manu walya manu yanirni ka ngurrararla.

Tess Napaljarri RossLinC Founder

“

Kajinpa manngu-nyanyi Jukurrpa, Jukurrpalu kapungku muurlparlu mardarni. Kala kulanpa manngu-nyanyi Jukurrpa ngulaju kapunpa nyurnu jarrimi.

Robin Jampijinpa BrownWarlpiri Teacher

“

Nyampu karlipa-jana tarnngangku pina-mani, jalangu-warnu-patu-ku tarnngangku pirrjirdi nyinajaku.

Tommy Ngapa Jangala WatsonLinC Founder & Senior Warlpiri Educator

“

Kaji karlipa nyina-mipa manu nyanyi nyiya-kanti-kanti yupujurlaju. Kaji karlipa ngurrju-mani memories manu yartiwaji-mani manu milki-yirrarni warlalja-patu-ku.

Kurdu, yiya 5

“

LinC-iji important nyiya-jangka. Kuurlu-ju ngurrju pina-maninjaku yupujurla nyampu-wana. Kujalparnalu nyinaja kurdu-kurdu wita-wita-wiyi kalarnalu wapaja yupujurla weekend-rla warlalja-patu-kurlu ngulaju kuurlu junga-nyayirni nganimpaku pina-jarrinjaku.

Yamurna Napurrurla OldfieldLinC Founder & Yuendumu school Assistant Principal

“

Purda-nyanyi karlipa-jana yimiji warlalja-patu-kurlangu manu pina-jarrimi karlipa ngurrararla manu kajirlipa pina yanirni ngula karlipa-jana kurdu-kurduku yimi ngarrirni.

Kurdu, yiya 6

“

Kujalparnalu nyinaja kurdu-kurdu wita-wita-wiyi kalarnalu wapaja yupujurla weekend-rla warlalja-patu-kurlu ngulaju kuurlu junga-nyayirni nganimpaku pina-jarrinjaku.

Kurdu, yiya 8

“

Kurdu-kurdu patu nyinanja milya-pinyi-wangu Junga nyanyirni jalangu jalangu-rlu jati-jarrijalu kajaku yupuju-wana nyanjaku ngurraraku pina-jarrinjaku. Yungurlu pirrjirdi manu wardinyi nyinami tarrnga!

Alice Napurrurla Nelson