Our Story
Pina-maninjaku Ngurrara-kurlangu-ku ngulaju jarti-jarrija yiya 2021-rnirla. Yamurna Oldfield, Tommy Watson, Tess Ross manu John Kitchener warrki-jarrijalu pirrjirdi-nyayirni maninjaku nyampu warrki Yurntumu Kuurlu-jangka manu GMAAAC Committee ngurrju-maninjaku ngurrararla junga-nyayirnirli pirrjirdirli Yurntumu Kuurlurla. Nyanungurrarlu yungulu-jana kurdu-kurdu Yurntumu Kuurlu-wardingki kanyi ngurrara-kurra wiiki-kari wiiki-kari jarlu-patu-kurlu-rlu manu warlalja-patu-kurlu-rlu.
Pina-maninjaku Ngurrararla kuja kalu Yurntumu Kuurlurla kula ka nyuwarni karrimi. Ngalipa-nyangu jarlu-patulpalu wangkaja warrarda kuja pina-maninjaku ngurrararla yungulu kurdu-kurdu milya-pinyi ngalipa-nyangu walya manu Jukurrpa. Nyampuju ‘Learning-in-Country’ kuja karlipa mardarni ngulaju kurdu-kurdu yungulu mardarni tarnngangku jukurrpa manu kuruwarri.
Thank you wangkami karnalu-jana jarlu-patuku kujalu pirrjirdi wangkaja pina-maninjaku yapa-way manu kujalu warrki-jarrija kuurlu-rla tiija-wati. Thanks ngalipa-nyangu jarlu-patu mardarni karnalu nganimparlu ngurraraku nyanjaku wiki-kari, wiki-kari ngulalpa karirija yiya-kari, yiya-kari manu pirrjirdi nyanyirni foundation nyampuku LinC program. Jarlu-paturlu ngulaju-ngalpa yungu Warlpiri Knowledge Cycle manulu-ngalpa pina-manu mardarninjaku pirrjirdi ngalipa-nyangu kuurlu bilingual kuurlu nyampu kamparru-jangka. Ngalipa-nyangu jarlu-patu-wati ngulajulparlu warrki-jarrija pirrjirdi mardarninjaku nyampu ngurrara nyampuku kuurlu-ku pina-jarrinjaku.
Founders
Napurrurla pina-jarrija nyanungu-nyangu ngati-nyanu-wana, jaja-nyanu manu yaparla-wana manu ngamirni-nyanu-wati Ngarlikirlangu-ngurlu, Yajarlu manu Mijily-parnta. Nyanungurlu jalangurlu ka kanjayani yalumpu jukurrpa. Kujajuku pina-pina-mani kajana ngalipa-nyangu kurdu-kurdu yupuju-wana. Yalirla-jana kumunjayi pina-mani-kajana nyarrpa ngulalu-warringiyi nyanungu-nyangu yanurnu manu ngana-kurlangu nguru-jana kalalu nyinaja manu ngana-kurlangurla kalu nyina jalangu, nyiya-nyiya yapa-patu kuja kalu nyina nguru-kuju manu nyiya Jukurrpa ka-jana karrimi ngurrara yalumpuju. Yamurna ka warrki-jarrimi mata-wangu jintangka nyanungu-ku-palangu-kurlu Ruth Napaljarri. Milya-pinyi yungurlu nguru maralypi wati-kirli manu yani nyanjaku. Kurdu-kurdu manu tiija-wati yungurlu pina-jarrimi junga-nyayirni. <br/>Nyanungu-ju palka kanpa nyanyi weekend-rla jiiki-mani ka Jukurrpa-ku, wangkami ka-jana ngurra-wardingki-patu-ku manu wirlinyi-kirli ngula kalu ngurrju-mani nyampu kuja ka yanirni LinC wurna kuurlu-wardingki-patu-kurlu. <br/>
Napurrurla ka-jana ngurrju-nyayirni milya-pinyi kurdu-kurdu panu-juku Yurntumurla junga-nyayirnirli ka-jana pina-pina-mani kuurlurla manu yupujurla. Napurrurla ka wangkami yupuju-wana-ju ngurrju kurdu-kurdu-kuju, yapa. Kurdu-kurdu-rlu kalu purda-nyanyi pulyangku manu pina-pina-jarrimi. <br/>
Jangala ngulaju pina-manurlu nyanungu-nyangu warlalja-paturlu kujarlurla yungu knowledge nyampu ngurrara, nyiya-nyiya milya-pinjaku manu Warlpiri-ki. Jalangu nyanungu ka warrki-jarrimi-jiki tiiji mani ka-jana kanyi ka-jana kurdu-kurdu yupuju-wana, helpi-mani-jana pina-jarrinjaku nguru-ku, nganaku warlalja patu-ku karrimi ka-jana manu nyurru-warnu-patu-ku. Yupujurla nyanungurlu ka-jana tiiji-mani kurdu-kurdu yungurlu pirrjirdi wangkami Warlpiri manu ngurrara, nyanungu-nyangu milya-pinyi manu milya-pinyi yimi-wati manu Jukurrpa kuja ka tarnngajuku karrimi manu mardarni ka-ngalpa nyanungu-nyanu/nyangu yapa-patu-ku.
Yuwayi ngula junga ka nyina pina-maninjaku ngurraraku, Jangala ngulajulpa kulkurnu nyinaja ngula ka-jana wangkami manu kardu-manu warrki kamparrurlu kuurlu-ku pina-jarrinjaku Warlpiri knowledge. Nyanungurlu ka-jana mardarni kurdu-kurduju mani tija-wati-ji manu kuurlu-wardingki-patu manu panu-kari kuurluku wiri-patu kuja kalu nyina ngula nyarrpa pina-jarrinjaku Warlpiri jungarnirli ngurrara-wana. Nyanungu ka wangkami nyampuju important-nyayirni yungurlu kurdu-kurdurlu milya-pinyi nyanungurra-nyangu nguru “tarnngangku”, ngula-jana yungu knowledge jarlu-patu-kurlangu tarnngajuku generation kuja-ka yanirni.
Tess ngulaju pina-jarrija nyanungu-nyangu jaji, jaja, warringiyi, yaparla, pimirdi, ngamirni manu panu-kari warlalja-patu-karirli nyanungu pina-manurlu yirdiki, yimi nyanungu-nyangu nguruku. Nyanungurrarlu pina-manu yupuju-wardingki, mangarri karlanjaku manu ngarlkirdi-ki. Tess ngampurrpa-nyayirni karlanjaku yarla yupuju wardingki-ki.
Milya-pinyi ka ngurrju-nyanirni manu kurdu-kurdu man nyanungu-nyangu kanunjurlu knowledge nyampu Warlpiri ways. Tess ka wangkami nyampuju ngula kalu kurdu-kurdu pina-jarrimi yupujurla purda-nyanjaku, nyanjaku manu feeling-ki knowledge ngula yungurlu tarnngaku kanyi. Nyampu Napaljarri ngulaju warrki-jarrija Yurntumu kuurlu-rla, ngula kurdu-kurdu-jana helpi-manu pina-jarrinjaku nguruku warlaljaku manu jukurrpaku ngulaju jintangka-juku pina warrki-jarrija ngulalpa nyinaja kamina-wiyi. Napaljarri ngulaju pina riiti-maninjaku manu yirrarninjaku English manu Warlpiri nyurruwiyi-warnu. Junga-nyayirnirli ka milya-pinyi recordi-maninjaku, translating-ki manu yimi riiti-maninjaku ngulaju nyurru-warnu pirrjirdi Warlpiri. Jalanguju nyanunguju ngulaju ka warrarda riiti-mani pirrjirdi-nyayirnirli Warlpiri bible-rla. <br/>
Mata-wangu ka warrki-jarri ngulaju pina-mani ka jana kurdu-kurdu ngurrararla. Napaljarri-rli nyangu-nyanu tiija ngurrju-nyayirni manu nyanyi ka jana ngurrju-nyayirni jarlu-patu-yijala Tommy Jangala manu Yamurna Napurrula ngulaju kalu warrki-jarrimi nama-piya. Ngurrju-mani kalu program yungu tarnnga-juku kapu karrimi. Napaljarrirli jana milki-yirrarnu nyanungu-nyangu Jukurrpa manu panu-kari kuja ka milya-pinyi, yungu tarnngangku mardarni Yurntumuku manu kurdu-kurduku yungulu panu nyinami nyanungu-piya pinangkalpa Jukurrpaku manu kuruwarriki.
📞 0474 381 673
✉️ [email protected]
Current LINC Team
Napurrurla pina-jarrija nyanungu-nyangu ngati-nyanu-wana, jaja-nyanu manu yaparla-wana manu ngamirni-nyanu-wati Ngarlikirlangu-ngurlu, Yajarlu manu Mijily-parnta. Nyanungurlu jalangurlu ka kanjayani yalumpu jukurrpa. Kujajuku pina-pina-mani kajana ngalipa-nyangu kurdu-kurdu yupuju-wana. Yalirla-jana kumunjayi pina-mani-kajana nyarrpa ngulalu-warringiyi nyanungu-nyangu yanurnu manu ngana-kurlangu nguru-jana kalalu nyinaja manu ngana-kurlangurla kalu nyina jalangu, nyiya-nyiya yapa-patu kuja kalu nyina nguru-kuju manu nyiya Jukurrpa ka-jana karrimi ngurrara yalumpuju. Yamurna ka warrki-jarrimi mata-wangu jintangka nyanungu-ku-palangu-kurlu Ruth Napaljarri. Milya-pinyi yungurlu nguru maralypi wati-kirli manu yani nyanjaku. Kurdu-kurdu manu tiija-wati yungurlu pina-jarrimi junga-nyayirni. <br/>Nyanungu-ju palka kanpa nyanyi weekend-rla jiiki-mani ka Jukurrpa-ku, wangkami ka-jana ngurra-wardingki-patu-ku manu wirlinyi-kirli ngula kalu ngurrju-mani nyampu kuja ka yanirni LinC wurna kuurlu-wardingki-patu-kurlu. <br/>
Napurrurla ka-jana ngurrju-nyayirni milya-pinyi kurdu-kurdu panu-juku Yurntumurla junga-nyayirnirli ka-jana pina-pina-mani kuurlurla manu yupujurla. Napurrurla ka wangkami yupuju-wana-ju ngurrju kurdu-kurdu-kuju, yapa. Kurdu-kurdu-rlu kalu purda-nyanyi pulyangku manu pina-pina-jarrimi. <br/>
Jangala ngulaju pina-manurlu nyanungu-nyangu warlalja-paturlu kujarlurla yungu knowledge nyampu ngurrara, nyiya-nyiya milya-pinjaku manu Warlpiri-ki. Jalangu nyanungu ka warrki-jarrimi-jiki tiiji mani ka-jana kanyi ka-jana kurdu-kurdu yupuju-wana, helpi-mani-jana pina-jarrinjaku nguru-ku, nganaku warlalja patu-ku karrimi ka-jana manu nyurru-warnu-patu-ku. Yupujurla nyanungurlu ka-jana tiiji-mani kurdu-kurdu yungurlu pirrjirdi wangkami Warlpiri manu ngurrara, nyanungu-nyangu milya-pinyi manu milya-pinyi yimi-wati manu Jukurrpa kuja ka tarnngajuku karrimi manu mardarni ka-ngalpa nyanungu-nyanu/nyangu yapa-patu-ku.
Yuwayi ngula junga ka nyina pina-maninjaku ngurraraku, Jangala ngulajulpa kulkurnu nyinaja ngula ka-jana wangkami manu kardu-manu warrki kamparrurlu kuurlu-ku pina-jarrinjaku Warlpiri knowledge. Nyanungurlu ka-jana mardarni kurdu-kurduju mani tija-wati-ji manu kuurlu-wardingki-patu manu panu-kari kuurluku wiri-patu kuja kalu nyina ngula nyarrpa pina-jarrinjaku Warlpiri jungarnirli ngurrara-wana. Nyanungu ka wangkami nyampuju important-nyayirni yungurlu kurdu-kurdurlu milya-pinyi nyanungurra-nyangu nguru “tarnngangku”, ngula-jana yungu knowledge jarlu-patu-kurlangu tarnngajuku generation kuja-ka yanirni.
📞 0474 381 673
✉️ [email protected]
Yuendumu School’s Yapa teachers
Yuendumu Schools Warlpiri Bilingual Resources Development Unit (BRDU)
Yuendumu’s School Principals
Marissa Napaljarri Boscato
Napurrurla pina-jarrija nyanungu-nyangu ngati-nyanu-wana, jaja-nyanu manu yaparla-wana manu ngamirni-nyanu-wati Ngarlikirlangu-ngurlu, Yajarlu manu Mijily-parnta. Nyanungurlu jalangurlu ka kanjayani yalumpu jukurrpa. Kujajuku pina-pina-mani kajana ngalipa-nyangu kurdu-kurdu yupuju-wana. Yalirla-jana kumunjayi pina-mani-kajana nyarrpa ngulalu-warringiyi nyanungu-nyangu yanurnu manu ngana-kurlangu nguru-jana kalalu nyinaja manu ngana-kurlangurla kalu nyina jalangu, nyiya-nyiya yapa-patu kuja kalu nyina nguru-kuju manu nyiya Jukurrpa ka-jana karrimi ngurrara yalumpuju. Yamurna ka warrki-jarrimi mata-wangu jintangka nyanungu-ku-palangu-kurlu Ruth Napaljarri. Milya-pinyi yungurlu nguru maralypi wati-kirli manu yani nyanjaku. Kurdu-kurdu manu tiija-wati yungurlu pina-jarrimi junga-nyayirni. <br/>Nyanungu-ju palka kanpa nyanyi weekend-rla jiiki-mani ka Jukurrpa-ku, wangkami ka-jana ngurra-wardingki-patu-ku manu wirlinyi-kirli ngula kalu ngurrju-mani nyampu kuja ka yanirni LinC wurna kuurlu-wardingki-patu-kurlu. <br/>
Napurrurla ka-jana ngurrju-nyayirni milya-pinyi kurdu-kurdu panu-juku Yurntumurla junga-nyayirnirli ka-jana pina-pina-mani kuurlurla manu yupujurla. Napurrurla ka wangkami yupuju-wana-ju ngurrju kurdu-kurdu-kuju, yapa. Kurdu-kurdu-rlu kalu purda-nyanyi pulyangku manu pina-pina-jarrimi. <br/>
Pina-jarrimi kuja kalu ngurrararla yani wirlinyi ngulaju ka nyinami warlaljaju jarlu-patu manu nyanungurra-nyangu kurdu-kurdu. Nyampurra class-watirli kalu mardarni yirdi jinta-kari-jinta-karirli jurlpu kurlangu yirdi. Eg. Wardapi, yankirri, mulyurlinji, nini, lungkarda.
Nyampurla class-wati Yurntumu Kuurlurla…
Yunkaranyi / Honey Ant
Yinarlingi / Echidna
Yankirri / Emu
Yanjipiri / Bat
Warnayarra / Snake
Warlawurru / Wedge Tailed Eagle
Wardilyka / Bush Turkey
Ninii / Bilby
Mulurlinji / Perintie
Mirnirri / Thorny Devil
Lurnpa / Kookaburra
Lungkarda / Blue Tongued Lizard
Kurr-Kurrpa / Owl
Kirrkalanji / Perigrine Falcon
Kakalyaya / Pink cockatoo
Jinjiwarnu / Crimson Chat
